人參雞湯 · 韓牛拼盤邊爐 ($238+$498)
@thejoomakhk
評分：8.5/10
人參雞湯打邊爐都係第一次見，仲要用韓牛，唔係肥牛，真係好奢侈😂😂 但食落又真係幾好味，同好補好滋潤嘅感覺。
人參雞湯人參味唔濃，但勝在夠甜，飲咗幾碗湯都唔覺得口渴，雞肉好嫩，入面仲塞咗紅棗糯米，最後撈埋飯一齊食。
拼盤除咗頂級1++韓牛，仲有菜墨魚滑、自家製泡菜鯪魚滑、雪耳、冰菜、羽衣甘藍、五蔬豬肉腸、紫薯、粟米、南瓜、豆結及翠肉瓜，蔬菜類較多。韓牛真係超正，肥瘦均勻，肉質嫩又有肉嘅鮮味，而最吸晴應該係個成塊面咁大嘅雪耳，要自己將佢切細件，雪耳索哂湯汁真係好好食，一晚食咗我一年嘅雪耳份量～
起初以為咁多菜會唔夠飽，但其實韓牛份量幾多，最後亦可以將白飯倒入湯到整湯飯，所以兩個人都夠食，如果唔夠，可以額外加配菜。
___________________________________________________
The Joomak
尖沙咀海運中心LCX
Search